Sunday, June 30, 2024

चिऊताई

 


 चिऊताई  *****

 

"चिऊताई, चिऊताई घेतेस का घरात

ओलाचिंब झालो म्हणून आलो ग दारात".

 

"घरट माझं शेणाचं तुझं छान मेणाचं

पावसामधे गेल वाहून पाण्याच्या झऱ्यात.

चिऊताई, चिऊताई घेतेस का घरात

ओलाचिंब झालो म्हणून आलो ग दारात."

 

"कावळे दादा, कावळे दादा थांब ना जरा

बाळ माझं रडतंय   कशी येऊ मी दारात."

"चिऊताई, चिऊताई घेतेस का घरात

ओलाचिंब झालो म्हणून आलो ग दारात."

 

"थांब माझ्या सोन्याला नाऊ मी घालते

अंग पुसून कोरड करून अंगा मी घालते."

"चिऊताई, चिऊताई घेतेस का घरात

ओलाचिंब झालो म्हणून आलो ग दारात".

 

"थांब माझ्या बाळाला तिट्ट मी लावते

खाऊपिऊ घालते अन घेते मी घरा."

"चिऊताई, चिऊताई घेतेस का घरात

ओला चिंब झालो म्हणून आलो ग दारात".

 

"कावळेदादा कावळेदादा धीर धर ना जरा

बाळ माझं उठू दे मग घेते मी घरा."

"चिऊताई चिऊताई ऐक ना जरा

गोळा करून शेण पुन्हा बांधीन मी घरा.

.............................. पुन्हा बांधीन मी घरा.

.............................. पुन्हा बांधीन मी घरा."

 

विनय


Friday, June 28, 2024

भांडण

 




भांडण

इतर नवरा बायकोच
भांडण किती क्षुल्लक असत
आमचं दोघांचं मात्र
नेहमीच अगदी स्पेशल असतं.
 
सहसा अस होत नाही
की आमचं पटत नाही
पण चुकून जरी झालं तस
मी हट्ट सोडत नाही
 
प्रश्न असतो तत्वाचा,
निष्कर्ष असतो मोलाचा
भांडण असल तसल नसत
एकदम स्पेशल असतं.
 
' कचरेवाली येऊन गेली
ह्यांच आपल लक्षच नसतं
काय माहित कोणत्या तंद्रीत
ह्यांच मन गुंतल असतं? '
 
'गेली तर गेली,  आली तर आली
काय एवढा फरक पडतो?
आईन्स्टाईनचा सिध्दांत  का
त्यामुळे खोटा ठरतो? '
 
मी आपलं बोलून जातो
हिचा पारा वर चढतो.
रागरंग बघून मग 
मी हळूच गोड बोलतो.
 
आमचं दोघांचं भांडण
एकदम स्पेशल असतं
कोणाला ही कधी ते
उघड उघड दिसत नसत.
 
विनय
5 नोव्हेंबर 2023 

Image Credit

Hari gurung77

Creative Commons Attribution-Share Alike 4.0

Love birds jamun khadi jhapa nepal.jpg Copy

[[File:Love birds jamun khadi jhapa nepal.jpg|Love_birds_jamun_khadi_jhapa_nepal]]

https://commons.wikimedia.org/wiki/File:Love_birds_jamun_khadi_jhapa_nepal.jpg 

Sunday, June 23, 2024

Trajectories




 

 Trajectories  

 

We are just projectiles -

Tossed up high in the sky

Like contrails in the sky

We just fly, we just fly.

Riding along trajectories

Never knowing where and why.

 

Meeting more as we go

Time flies as we grow.

Moving fast, moving slow

Often together shine and glow

Cheer, share, laugh, and bear

harsh whirls up in the air.

 

Touching hearts, healing hearts

Passing love and soon they part

Never to meet, never to touch

Never together for blossoming birch.

Days come, days go

And we merge with the setting Sun.

 

Vinay

June 1, 2022


adapted after a verse from Mahabharat


यथा काष्ठं च काष्ठं च समेयातां महोदधौ|

समेत्य च व्यपेयातां तद्वत् भूतसमागम:||

अर्थ

ज्याप्रमाणे एखाद लाकूड आणि दुसर लाकूड महासागरात जवळ येतात. जवळ आल्यावर [काही वेळाने] दूर जातात.  [ते लाटा, भरती, ओहोटी वगैरे गोष्टींवर अवलंबून  असते] त्याप्रमाणे प्राण्यांचा सहवास असतो.


 

वाती

 

वाती  *****

 

अनंतकाळ तेवून असतात 

काही दिव्यातील वाती 

जशी असतात रुजलेली

मना मनातील नाती 

 

काही वाती  तेलातल्या 

काही साजूक तुपातल्या 

काही तर चक्क असतात 

मेणबत्तीच्या, अत्तरातल्या. 

 

काही असतात उबदार 

काही मात्र चटकेदार

काही मिणमिण करणाऱ्या 

काही लख्ख प्रकाशमान. 

 

काही कधी  जुळलेल्या 

काही कधीच जळलेल्या 

काही विझून जाऊन सुद्धा 

अजून तिथेच थिजलेल्या.  

 

काही आजन्म तेवणाऱ्या

काही लागुन  विझलेल्या

काही प्रयास करून सुद्धा

कधीच न पेटलेल्या.

 

असंख्य विझलेल्या वाती

आयुष्यभर तशाच रहातात.

जवळही त्या करवत नाहीत

दूरही फार लोटवत नाहीत.

 

काही जवळ असून ही 

अनंतात पोचलेल्या 

काही अनंतात जाऊनही 

हृदयात तेवणाऱ्या . 

 

विनय

दीपस्तंभ


दीपस्तंभ
*****

 

तुझ्या अपेक्षांच गाठोड , मी कधी वाहणार नाही

आशेचा अंकुर तुझा,  कोमेजुन कधी देणार नाही.  ।।१।।

 

गवताच्या काड्या शोधेन, घरट मी बांधणार नाही

तुझ्यासाठी चिमणी बनुन, काडी काडी नेणार नाही  ।।२।।

 

मध होइन फुलातले, पण मधमाशी बनणार नाही

वल्ह होइन नावेचे, नावाडी कधी होणार  नाही.        ।।३।।

 

वात होइन म्हटल नव्हत, तेल कमी पडणार नाही

साथ देईन म्हटल होत, कर्ता कधी होणार नाही.      ।।४।।

 

विनय

 

३ सप्टेंबर २०१७


नवी पहाट



 

        नवी पहाट 

 

आयुष्याच्या संध्याकाळी 

सकाळ सुद्धा होऊ शकते 

आतून नव्या सूर्याची 

पहाट सुद्धा रंगू शकते. 

 

नवा सूर्य, नवी पालवी 

नवा बहर, नवी सावली 

नवे ज्ञान, नवे विज्ञान 

नवा गंध, नवी माती. 

 

नविन मंथन,नवे अमृत 

देण्यासाठी घ्यावे सारे 

नविन कोवळ्या मनामध्ये  

बीज नविन, रोवत जावे 

 

आठवण या उषेची 

जनीं मनी कोरत जावी  

आयुष्याच्या संध्याकाळी 

पहाटेची गाणी गावी. 

 

- विनय 

ऑक्टोबर २, २०१६

Friday, June 21, 2024

सापडलेले असते उत्तर


 
सापडलेले असते उत्तर

उंच, उंच कारंजे बनुनी, कविता स्फुरते कवी मनातून

जसे उमलते फूल कळीतून, तशी जन्मते कविता आतून.

 

साद मनीचा नाद होऊनी, कधी कुणाला सुचती गाणी

बनून मखमल हरित तृणांची, स्वये रेखिते ‘ती फुलराणी’.

 

‘जीवन देई मम बाळाला’, अशी करोनी आर्त विनंती

जीवीत करते अंगाईला, गाउनी ‘बाळा जो जो’ गाई.

 

शैशवाताला मोर बनूनी, नाचवते ती अमराईही

कुशी बसवते ती सर्वांना, होऊनी राणी  दख्खनची ती.

 

सखी बनुनी आर्त मारीते, हाक ‘जिवलगा’ ऐक सांगते

कधी पाहुनी ‘तोच चंद्रमा’, मंथन करीते गत दिवसांचे.

 

मान्य करोनी लाख चुकांना, ‘अखेरचे’ हे शब्द सांगते 

ओठावरले गाणे बनुनी, कधी कुणाचे आसू पूसते.

 

माय बनवूनी सरस्वतीला, त्या देवीचे बोल बोलते

स्वये  वर्णुनी राम प्रभूंना, बनुनी रामायण ती येते.

 

कधी घोषुनी जयोस्तुते ती, ज्वाला बनते स्वातंत्र्याची

कमलेच्या रूपाने येते, कधी भिंतीवरती काट्या मधुनी.

 

कधी होऊनी प्रतिबिंब कुणाचे, प्रेमच दिसते मूर्त मनोरम

कधी देवाच्या गाभाऱ्यातून, कविता होते धूप सुगंधित.

 

कधी होऊनी शब्दच ईश्वर, गात राहतो तो ज्ञानेश्वर

अभंग बनुनी कधी तुकयाचे,वर्णन करिते हरिनामाचे

 

हर्ष मानसी उधळत येते, श्रावणातल्या सरी पाहुनी

हसते, रडते, बागडते ती, खोल मनाच्या पडद्यावरती. 

 

कविता नसते आशावादी, कधीच नसते नैराश्याची

ती तर केवळ असते छाया, मनातल्या त्या निमिषार्धाची.

 

कधी मनाच्या गाभाऱ्यातील, कुपितले ते बनते अत्तर

कधी दऱ्यांच्या खोल मनातील, सापडलेले असते उत्तर.

 

विनय वैद्य 

   १९ फेब्रुवारी २०१७

Boardroom

  Boardroom    ****   Looking at the numbers, down and grim They thought of a plan to bring cheer and grin.   They vowed to plant seeds ...